Gaurko olerkia: Ilunabarreko galderak
Bart irakurtzeko gaur izkiriatua
Xabier Izaga
ILUNABARREKO GALDERAK
Nork jaurtiki du, ilunbe aiduru,
Ortzemuga zauritu duen lantza?
Zelai isila, ez guda azantza
Ez eta ere ezpata leinuru
Heldu da itzala: biharko asturu?
Igurikatzea, gure arantza
Alta ez dea hori esperantza?
Txoriak mutu, kilkerrak lanturu
Maitasun orena date menturaz
Besarkada anker honen gerizan:
Ohantze hutsa atauten liluraz
Abaildu da gaua eta ber gisan
Eguna hil hiletsien maluraz
Nork arrapiz liro, argi irritsan?